Einbýli & raðhús
Gott úrval einbýlishúsa- og raðhúsalóða í hallandi landi með útsýni til Esju og yfir hafið.
Hverfið
Grænt og vænt — manneskjulegt umhverfi.
Aðal akstursleið liggur í gegnum hverfið með friðsælar íbúðargötur útfrá sem ramma inn græn svæði. Lögð er mikil áhersla á göngutengingar — ekki meðfram götum, heldur um grænu svæðin sem tengja íbúðakjarna saman. Lágafellskirkja stendur sem kóróna svæðisins.
Fjölbýli
Þriggja til fjögurra hæða fjölbýlishús syðst og austast, með helming bílastæða neðanjarðar — alls um 240 íbúðir.
Eldri borgarar & hjúkrunarheimili
Nett rað- og keðjuhús með viðhaldsfríum eignum og litlum görðum, ásamt miðlægu hjúkrunarheimili.
Bílastæði
Næg bílastæði — eins og fólk vill.
Gott aðgengi að íbúðarhúsnæði er haft að leiðarljósi, með áherslu á næg bílastæði og þægilega aðkomu.
2–3
stæði
við hvert einbýli
1–1,5
stæði á íbúð
í fjölbýli, íbúðir undir 80 m²
2
stæði á íbúð
í fjölbýli, íbúðir yfir 80 m²
Framtíðarsýn
Uppbygging í Lágafellslandi yrði í anda Mosfellsbæjar.
Mosfellsbær í örum vexti
Mosfellsbær er eitt þeirra sveitarfélaga á höfuðborgarsvæðinu sem hefur vaxið hratt á undanförnum árum og margt bendir til að sú þróun haldi áfram. Uppbygging í Lágafellslandi er hluti af þessari heildarmynd, þar sem horft er til framtíðar með fjölgun íbúða og bættri þjónustu við íbúa.
Áhersla á sérbýli og einbýli
Lágafellsland er eitt af áhugaverðari þróunarsvæðum bæjarins og býður upp á kjöraðstæður fyrir fjölbreytta íbúðauppbyggingu í grónu og náttúrulegu umhverfi. Svæðið er skilgreint sem íbúðasvæði í aðalskipulagi og liggur í nálægð við miðbæ Mosfellsbæjar og helstu samgönguæðar höfuðborgarsvæðisins. Þar er greiður aðgangur að þjónustu, skólum og fjölbreyttum útivistarsvæðum. Áhersla er á sérbýli, þar sem íbúar munu hafa gott rými og fallegt útsýni yfir suðurhlíðarnar.
Sjálfbær sveit í borg
Í Lágafellslandi skapast einstakt tækifæri til að þróa byggð sem endurspeglar framtíðarsýn Mosfellsbæjar:
„Samfélag sem einkennist af sjálfbærni, náttúrunálægð, heilsueflingu og fjölbreytni í búsetuformi."
Svæðið hefur alla burði til að verða fyrirmyndarverkefni í uppbyggingu þar sem gæði, græn hugsun og samfélagsleg ábyrgð eru höfð að leiðarljósi. Þar gæti risið hverfi í þeim anda sem einkennt hefur Mosfellsbæ, með áherslu á mannvænt umhverfi og sterka tengingu við náttúruna.
Skipulögð uppbygging til framtíðar
Í stærra samhengi má nefna að Mosfellsbær hefur yfir að ráða víðfeðmum byggingarsvæðum, þar á meðal Lágafellslandi sem hér um ræðir. Það gerir sveitarfélaginu kleift að vaxa á skipulagðan og sjálfbæran hátt til framtíðar. Samhliða uppbyggingu er lögð áhersla á græn svæði í suðurhlíðum bæjarins, góðar samgöngur og gott aðgengi að þjónustu, sem eru lykilþættir í nútíma skipulagi.
Mætir aukinni húsnæðisþörf
Uppbygging sem þessi hefur ekki aðeins áhrif á húsnæðismarkaðinn heldur einnig á samfélagið í heild. Mikil þörf er fyrir aukið húsnæði og Lágafellsland býður upp á tækifæri til að mæta þeirri þörf á skynsamlegan og skipulagðan hátt.
Eftirsótt búsetusvæði styrkist
Með áframhaldandi þróun í Lágafellslandi og öðrum svæðum má gera ráð fyrir að Mosfellsbær styrkist enn frekar sem eftirsótt búsetusvæði, þar sem nálægð við náttúru og höfuðborgina fer saman við öflugt og vaxandi samfélag.